你现在的位置:主页 > Y泰生活 >《施治上神枱只属降温 玛莲娜将继续独揽大权》 >
文章信息

《施治上神枱只属降温 玛莲娜将继续独揽大权》

作者:   发表于:2020-05-27  分类:Y泰生活 
《原创文章 欢迎转载 请列明出处 谢谢》-请支持蓝狮 Facebook专页-《施治上神枱只属降温 玛莲娜将继续独揽大权》 按此观看图片 向来车路士都好愿意比机会一啲过往效力过既球员喺退役后回归史丹福桥担任要职,前至宣传大使后至训练团成员都有,而今次施治担任技术及表现顾问/指导(Technical and performance advisor)可以话係管理阶级黎讲係历年来最高,但背后其实进一步确立左玛莲娜(Marina Granovskaia)喺控制球员转会方面既权力。自施治季中宣布今季结束会退役后,一直有传车路士高层有意提供行政职位比佢回巢,位置上正正係艾文拿路离开后既技术总监位置,自后者于前季转投法甲摩纳哥过后,球队一直并未有重新招聘其职位,传出过好几个人选但都相继于各自球会续约,而技术总监既职务亦全权交由别称「西女人」既玛莲娜负责。玛莲娜可以话係油王艾巴莫域治最信任既人,因为佢有能力为球会砌靓盘数,不过对于球迷黎讲对前者既感觉大多数以反感居多,主要原因係「西女人」向来都係管数之人,睇住盘数当然喺钱方面会睇紧啲,亦因为咁好多时喺一啲球员买卖上都会同对方讨价还价,对于玛莲娜黎讲球员就好似一件货物咁,卖出去既当然会为球会争取最大收益,而买入黎既亦係会想以最平价完成收购,所以有唔少转会目标都被其他球会高价收购而流失。而艾文拿路与施治既职位的确存在差异,至少总监与顾问之间係权力上都经已不同,可以话进一步确立在玛莲娜喺转会事务上既决策大权,不过之前都有讲到其实喺哩个位置上除左处理转会之外仲有一个重要任务,就係要为主帅同玛莲娜之间既沟通取得平衡,亦都姐係可以话係两者既「磨心」,自艾文拿路离开后见到大前任主帅干地与管理层关係决裂,可想言之哩个任务係几咁重要。施治可以话暂时为近日受多项负面消息困扰既车路增添一点正能量,亦同时为球迷对于近年管理层喺处理球会大小事务上既不满降温,虽然权力上被扣减,但相信球迷都会肯收货暂时「袋住先」。文章发表时间 : 22/06/2019 11:50文章最后更新时间 : 22/06/2019 11:50《原创文章 欢迎转载 请列明出处 谢谢》蓝狮 每週出文 用心写每篇文章 给我们一个Like作支持